Preconizacions del CLO
jfblanc @ 09:43
Lo Conselh de la lenga occitana ven de publicar una sintèsi de granda qualitat que règla un fum de problèmas e subretot que corregís un plamponh d'incoeréncias de la "nòrma" d'Alibèrt.
Aquel document elaborat per Domergue Sumien comença per una introduccion de Patric Sauzet. Cal tornar dire la granda qualitat d'aqueles dos òmes, linguistas de tria, e tanben lor granda volontat de far avançar la normativizacion de la lenga malgrat las empachas, las capelas e totes los arganhòls codificaires autoproclamats.
Un pichon repròche, lo pes del document PDF, que n'empacha la consultacion "en linha" pel monde coma ieu qu'an pas lo naut debit a l'ostal.
Aquel document l'avètz sul site de la revista Linguistica occitana, e tanben sus lo de Gianni Vacca, qu'aviá ja publicadas las primièras preconizacions.
digg it
del.icio.us
Comentaris(2) »
Joan.Peiroton — 2008-04-02 - 21:25:34 GMT 1
Demoram enqüèra dab lo problèma deu pan (de la paret) e deu pan (qui's minja) qui's pronóncian pas parièr mès que la grafia non distingueish pas. Que caleré un signe distinctiu tà perméter de saber de quau e's tracta, ce'm sembla.
Virar deu català a l'occità aquest pany és fotut qu'ei aisit, mès lo revèrs qu'ei ambigú.
Aqueth pan qu'ei fotut...pany? pà? Avem besonh d'un signe, un accent, quauquarren, quau que sia...Tròbi que n'ei pas acceptable senon.
JF Blanc — 2008-05-12 - 12:38:59 GMT 1
Perqué e seré pas acceptader ? Las autes lengas que son pleas d'omografes qui empachan pas lo mond de's compréner...
Daissar un comentari